Manabkalyan
  • Contact Us
    +977-1-4620040
  • Our Address
    Shantinagar-31, Kathmandu,Nepal
  • Working Hours
    Sun - Fri ( 10:30am - 3:30pm )

New to site?


Login

Lost password? (X)

Already have an account?


Signup

(X)
Farooq

About Us

HomeAbout Us

संस्थाकको परिचय

हाम्रो राष्ट्रमा छरिएर रहेका कृषक, निम्नवर्गिय श्रमिक, कालिगड, भूमीहिन एवं वेरोजगारको जञ्जालमा हुडलिईरहेका सदस्यहरुको आर्थिक तथा सामाजिक अवस्थालाई उकास्दै पारस्पारिक सहयोगको भावना जगाएर आयमूलक एवं सीपमूलक व्यवसाय सञ्चालन गराउँदै आत्मास्वावलम्वि बनाउनको निम्ति यस राष्ट्रलाई निस्वार्थ भावनाले ओतप्रोत भएका सहकारी संस्थाहरुको स्पर्श जरुरी रहेको अवस्था छ ।
आर्थिक दृष्टिकोणले पिछडिएका, समान समस्या र स्वार्थ भएका जनसमुदाय, वर्ग वा व्यक्तिको समान जिम्मेवारी, दायित्व र अधिकारको आधारमा उत्पादन, उपभोग, वितरण तथा विनिमय प्रक्रियामा हुने संस्थागत प्रयास नै सहकारीको वास्तविक परिचय हो । यस्तै सिद्धान्तलाई आत्मसाथ गर्दै विभिन्न भागमा छरिएररहेका साना–साना पूजीहरुलाई एकीकृत गरी उत्पादनशील, सीपमूलक तथा आयमूलक कार्यमा सरल तथा सुलव वित्तिय तथा सेवा प्रदान गर्नु यस संस्थाको मुलभुत उद्देश्य हो । ब्यक्तिगत रुपमा चर्को ब्याजदर लिदै आएका साहु–महाजन प्रवृत्तिको सञ्जालमा फँसिरहेका र गरिविको जञ्जालमा पिल्सिरहेका हरेक कर्मशील स्वाभलम्वि नेपालीलाई प्रगतिको गोरेटोमा लम्कन सिकाउनु मानव कल्याण बचत तथा ऋण सहकारी संथाको प्रण हो।
अहिलेको उर्लदो जनघनत्व, बढ्दो ब्यवसायहरू, जनचाहाना, बजारको स्वरूप, जन–सक्षमता र आवश्यकता जस्ता कुराहरूलाई बिचार्दै संस्थालाई पनि अगाडि बढाउने र सम्पूर्ण समान स्वार्थ भएका सदस्यहरूका आवश्यकताहरूलाई पनि पूरा गराउने हेतुले समाजलाई समृद्ध बनाउने अठोटका साथ सहकारीताको मूल्य मान्यता बाट अभिप्रेरित भई मिति २०६५÷०७÷०१ का दिन सहकारी ऐन २०४८ बमोजिम वित्तिय कारोवार गर्न नयाँ वानेश्वरको वडा नं. ३१ मा अवस्थित सानो खरिको बोटको सामिप्यमा यस मानव कल्याण वचत तथा ऋण सहकारी संस्था लि. को कार्यालय स्थापना गरिएको छ ।
आफ्ना सदस्यहरुलाई आयमूलक र वृद्धिबिकासमा टेवा पु¥याउने विभिन्न ब्यापार–व्यवसायमा लगानि गरेर रोजगारको सृजना गराउन, सहुलियत दरमा दैनिक उपभोग्य बस्तुहरू उपलब्ध गराउन, प्राथमिक आवश्यकता र आयआर्जन क्षमताको पहिचान गरेर उत्पादनशिल, आयमूलक तथा सीपमूलक कामहरुमा जागरण गराउँदै समाजको सदस्यहरुलाई सवल र स्वाभलम्वि बनाउनु हाम्रो दृढ्ता हो । समुदाय भित्र सामाजिक, सांस्कृतिक, शौक्षिक, स्वास्थ्य, पर्यावरण, जनचेतना जस्ता गतिविधिको आवश्यक ढङ्गले प्रवद्र्धन गर्न यस मानवकल्याण वचत तथा ऋण सहकारी संस्था सदैव प्रयत्नशील रहेको छ ।

उद्देश्य र कार्य

“जोगाऔं थोपा–थोपा गरेर निकालौं घैला भरेर..’’ भन्ने उद्गारलाई सार्थक बनाउँदै
सदस्यहरुको आर्थिक, सामाजिक तथा सांस्कृतिक विकासका लागि संस्थामा संलग्न सदस्यहरुमा मितव्ययिताको भावना जागृत गराई नियमित बचत गर्ने बानीको विकाश गर्ने,
सदस्यहरुको व्यक्तिगत एवं सामूहीक क्षमता अभिबृद्धि गरी स्वावलम्वी एवं आत्मनिर्भर समाजको निर्माणमा योगदान पु¥याउने, सदस्यहरुको प्राथमिक आवश्यकता र आयआर्जन क्षमताको पहिचान गरी उत्पादनशील र आयमूलक क्षेत्रमा सदस्यहरु मार्फत लगानी प्रवद्र्धन गराई छरिएर रहेका राष्ट्रिय पूँजिलाई एकढिक्का बनाएर उपयोग गराउने, सदस्यहरुको दैनिक जीवनका विविध क्षेत्रमा संस्थागत सहयोग पु¥याउने खालका सेवामूलक कार्यक्रमहरु संचालन गरी सहकारिताको महत्व स्थापित हुने काम समूदायमा प्रदर्शित गर्ने,
सदस्यहरुलाई स्वीकृत नीति अनुसार ऋण लगानी गर्ने , सहकारी ऐनको दफा२३ (१) वमोजिम संस्थाको शेयर विक्री गर्ने , ग्रामिण महिलाहरुको आर्थिक जीवन स्तर उठाउन महिला समुह बनाई लघु कर्जा प्रदान गर्ने,
सहकारी ऐन, नियमावली र विनियमको अधीनमा रही अन्य संघ—संस्थाबाट ऋण लिने र कारोवारको मुनाफाबाट केही अंश छुट्याई सदश्यहरु एवं तिनका परिवारका सदश्यहरुलाई रचनात्मक कार्यमा उत्प्रेरित गर्ने खालका कार्यक्रम संचालन गर्ने जस्ता सिपमुलक र आयमुलक कार्यमा सरल एवं सुलभ तवरले जाग्रुक बन् नु र बन्न अभिप्रेरित गराउनु मानवकल्याण वचत तथा ऋण सहकारी संस्थाको मूलभुत उद्देश्य र कार्य रहेको छ ।

व्यवस्थापन

विगत दुई दशकदेखि सहकारी आन्दोलनमा सक्रिय भूमिका निर्वाह गर्दै लागिपरेका कर्मठ व्यक्तित्वहरुद्धारा सञ्चालन, पारदर्शी लेखा प्रणाली स्तरीय कम्प्युतर सफ्ट्वेयर प्रणालीद्धारा वित्तिय सेवा प्रवाह, आर्थिक अनुशासन, दक्ष र अनुभवी कर्मचारीको समूह र सबैभन्दा रोचक कुरो त यूवा महिलाहरुको वाहुल्यतामा व्यवस्थापन थप प्रभावकारी रहेको छ ।

जोगाऔं थोपा थोपा गरेर, निकालौं घैला भरेर….